معلومات عامة
٢٠ أغسطس ٢٠٢٠ ( 35 المشاهدات )
الإعلانات

ماشطة بنت فرعون

#ماشطة_ابنة_فرعون!¡

في عصر (فرعون)، وقت دخول سيدنا (موسى) -عليه السلام- مصر ودعوة بني إسرائيل لعبادة الله الواحد الأحد، كان فيه رجل وزوجته شغالين في قصر (فرعون)، الرجل اسمه (حزقيل)، وزوجته موردش اسمها صراحةً، ولكن الرسول -صلى الله عليه وسلم- قال بأن سيدنا (جبريل) أطلق عليها اسم "ماشطة ابنة فرعون"!

بعد دخول سيدنا (موسى) -عليه السلام-، فيه ناس آمنت بيه في السر، وكتمت إيمانها خوفًا من إن (فرعون) يطبق عليهم حكم لا طاقة لهم به، ومن ضمن اللي آمنوا في السر كان (حزقيل)، و(حزقيل) كان مقرب من (فرعون) جدًا، ولكن بطريقة ما اكتشف (فرعون) إن (حزقيل) بيعبد غيره فقتله!

"ماشطة ابنة فرعون" وقع عليها خبر موت زوجها كالصاعقة، وكانت هتموت بسبب فراقه، ولكنها تماسكت لأجل أطفالها الخمسة اللي من ضمنهم رضيع، وكتمت هي كمان إيمانها بالله في قلبها.

مهمتها كانت إنها بتزين ابنة (فرعون)، وبتمشط لها شعرها، ومسؤولة الزينة بتاعتها، ويُقال إنها كانت المربية لها، وأُطلق عليها الاسم ده بسبب واقعة سقوط المشط.
في يوم كانت بتمشط لابنة (فرعون) شعرها، فوقع منها المشط، انحنت علشان تجيبه وقالت "بسم الله"، ابنة (فرعون) تعجبت وسألتها "الله أبي؟!"، فردت عليها الماشطة وقالت "لا، بل ربي ورب أبيكِ ورب العالمين."

ابنة (فرعون) غضبت وهددتها تقول لأبوها، ولكن الماشطة ماهتمتش لكلامها، ورمت حمولها على الله.

وبالفعل ابنة (فرعون) راحت له وحكت له على اللي حصل، فغضب غضب شديد من إن فيه شخص جوه القصر بتاعه بيقول إن فيه إله غيره!
أمر الجنود بإحضار السيدة، وسألها:
- هل هناك إله غيري؟!
ردت عليه بكل ثبات:
- نعم، ربي وربك ورب موسى.

فهددها وحذرها لو مرجعتش عن كلامها هتواجه عذاب شديد، ولكنها كانت صامدة وقوية متراجعتش لحظة عن قولها وثبتت عليه، فضربها (فرعون) وسجنها، ولكنها فضلت صامدة، فأمر جنوده يحضروا بقرة مصنوعة من النحاس، ويُقال إنه وضع بداخلها زيت، أشعل تحتها النار لحد ما الزيت بدأ يغلي، وأمر بإحضار السيدة والـ5 أطفال أبنائها، ووقفهم قدام الحاشية بتوعه وأمرها ترجع عن كلامها، ولكنها رفضت!

فمسك أول ابن ليها وكان أكبرهم، الولد صرخ، استغاث بأمه، فضربوه جنود (فرعون)، وبدأت الأم في البكاء، لحد ما وصل للبقرة ورموه في الزيت المغلي، أبشع موتة ممكن تحصل لإنسان، حال الأم في انهيار وابنها بيغلي قدام عينيها لحد ما مات، واتقطع لحمه وظهرت عظامه من جسده، فسألها (فرعون) مرة تانية إنها تكفر بالله، ولكنها فضلت ثابتة على قرارها، فسحب تاني ابن قدام عينيها وعين إخواته، ورماه في الزيت، سألها مرة تانية فرفضت تكفر بالله، فسحب التالت وألقاه في الزيت، وما زالت ثابتة على موقفها، لحد ما ألقى بالرابع، وتحولوا كلهم لعظام وتساقط لحم أجسادهم.

رغم إنها كانت بتتقطع، بتموت، عذاب الدنيا كله متجمع في قلبها، والبكاء قتلها، إلا إنها فضلت صامدة ومتراجعتش لحظة عن عبادة الله الواحد الأحد، ولكن الاختبار الأصعب كان لما (فرعون) اتحرك عليها وخد من إيديها ابنها الرضيع، وهي كانت بتحبه جدًا، وقتها قلبها كان هينفجر من الحزن، وكانت هتتراجع عن قرارها، وكانت معجزة ربنا في الوقت ده، إنه جعل الرضيع ينطق ويتكلم علشان يطمن أمه، ولكن صوته ماحدش سمعه غيرها هي، فقال لها:
- يا أماه، اصبري، فإنك على حق.

أول ما سمعت صوت ابنها، عرفت إن ربنا جنبها، فتمسكت أكتر بعبادة الله، فرمى (فرعون) الطفل في الزيت، ومات الخمس أبناء، هنا أيقن (فرعون) إنها هتفضل صامدة ومش هتعبده ولا هتتراجع عن قرارها، فأمر جنوده بإلقائها في الزيت المغلي، شدوها وجروها ناحية الزيت، فالتفتت لـ(فرعون) وقالت له:
- إن لي إليك حاجة.
فقال لها:
- وما حاجتك.
ردت عليه:
- أن تجمع عظامي وعظام أبنائي في ثوبٍ واحد وتدفننا.
فقال لها:
- ذلك لكِ علينا من الحق.
وده لأنها كانت خادمة مخلصة لبنته، وسحبوها الجنود ورموها في الزيت المغلي ففقدت روحها مؤمنة بالله وصابرة متحملة العذاب.

عن (ابن عباس) -رضي الله عنها- قال، قال رسول الله -صلى الله عليه وسلم- عن رحلة الإسراء والمعراج:
(لما كانت الليلة التي أُسري بي فيها، أتت عليَّ رائحة طيبة، فقلت: يا جبريل، ما هذه الرائحة الطيبة، فقال: هذه رائحة ماشطة ابنة فرعون وأولادها.)
ربنا كرمها لدرجة إن الرسول -صلى الله عليه وسلم- شم رائحة طيبة لما مر من جانبها هي وأبنائها.

سيدة تحملت عذاب شديد جدًا لا يتحمله بشر، في سبيل الله، وتمسكها بعبادته.

المصادر:
الطبري، ووافق عليه ابن كثير.
ابن عباس.

-
وآخرًا كلها اجتهادات من علماء الدين في تفسير كتاب الله، والله أعلى وأعلم بصحتها.
-

- لو وصلت لحد هنا يبقى المقال انتهى، ولو مهتم بالمقالات الغريبة والمثيرة للاهتمام، تابعني واعمل (شاهد أولًا)، بنزل مقال يومي باستمرار..
وادخل البروفايل هتلاقي مقالات كتير جدًا ممكن اقرأها براحتك.
ويا ريت متنساش الشير والتفاعل مع المقال لو حابب إني استمر كدعم ليا، وكمان اعمل منشن لصديق ليك بتحبه يقرأ معاك ورشحه يعمل فولو للبروفايل❤

ولو مهتم بمحتوى مختلف بينزل بشكل يومي في البيدج بتاعتي اعملها لايك وده اللينك بتاعها: https://www.facebook.com/Mohamed.sawy99

ولو مهتم تكون موجود في بيت العيلة والجروب الخاص بينا كلنا اللي ممكن تنشر فيه أي حاجة تخصني براحتك ده اللينك انضم: https://www.facebook.com/groups/2377411919031522

ولو ليك في الإنستجرام علشان هيبقى فيه شغل عليه الفترة الجاية ده اللينك: https://instagram.com/mohamed_sawy16?igshid=w18h6y9ej979

ولو بتحب تويتر ده اللينك بتاعي برضه شغال عليه: https://mobile.twitter.com/Mohamed10975091

الشير متاح، ولكن ممنوع الكوبي بيست، لأني بتعب جدًا في المقالات اللي بكتبها، بسبب صعوبة الحصول على المعلومات وربطها ببعض وتنسيقها بالشكل ده، فيا ريت متبخلش بالشير ومتأذنيش بالكوبي بيست.

مهم تشوفوا أول كومنت❤👇

#مقالات_محمد_صاوي!¡
#محمد_صاوي!¡

ينصح بمشاهدتها

الإعلانات

قد يعجبك ايضاً

كيف مات سيدنا سليمان ريموت إيقاف عداد الكهرباء الالكتروني أين نزل سيدنا آدم أين يقع وادي شعيب